Ağdamda velosipedçini maşın vurub.
Bizim.Media-nın yerli bürosu xəbər verir ki, hadisə rayonun Quzanlı qəsəbəsində qeydə alınıb.
Belə ki, hərəkətdə olan "Mercedes-Benz" markalı minik maşını eyni istiqamətdə hərəkətdə olan velosipedçini vurub. Hadisə nəticəsində 2009-cu il təvəllüdlü Hüseynli Vüsal Ramil müxtəlif bədən xəsarətləri alıb.
Yaralı Ağdam rayon təcili tibbi yardım briqadası tərəfindən Ağdam mərkəzi xəstəxanasına çatdırılıb. Ona ilkin tibbi yardım göstərildikdən sonra Bərdə mərkəzi rayon xəstəxanasına aparılıb.
Faktla bağlı Ağdam rayon polis şöbəsində araşdırma başladılıb.
Elgün Gəncimsoy, Bizim.Media, Qarabağ bürosu
