Uşaqlarda nitq GERİLƏMƏSİ – Danışıq problemi yaşayan azyaşlıların sayı niyə ARTIB?

Azərbaycanda gec dil açan, nitqi aydın olmayan, danışıq problemi yaşayan uşaqların sayı artıb. Bəziləri bunun səbəbini valideynlərin uşaqla çox ünsiyyyət qurmamasında, bəziləri də uşaqların nitqinin formalaşdığı vaxt onlara əcnəbi dillərdə cizgi filmlərinin izlədilməsində görür.

Övladına xarici dil öyrətmək istəyən valideynlər erkən yaşda buna başladıqları üçün dil açan uşaq nə ana dilində, nə də xarici dildə normal danışa bilir. Onların nitqini valideynləri belə başa düşməkdə çətinlik çəkir.

Bəs bu cür uşaqlarla necə məşğul olmaq lazımdır?

Bir çox uşaqda görünən problemlə bağlı Bizim.Media-ya danışan loqoped Fəridə Tağıyeva deyib ki, uşağın ətrafında bir dildə danışan insanlar olmalıdır:

“Bu hallar uşağın nitqinin qarışıq olmasına, ləngiməsinə gətirib çıxara bilir. Bu problemlər hazırda geniş yayılıb. Belə uşaqlarla bir dildə danışmaq lazımdır. Ailənin içərisində ata və anadan başqa nənə və baba da varsa, hamı eyni dildə danışmalıdır.
Uşaq ana bətnindən sonrakı, bir yaşa qədər dövründə anlamaqla, qavramaqla hansısa bir dilə yiyələnir. Ona görə bu dövrdə onun ətrafındakı insanlar yanlız bir dildən istifadə eləməlidirlər ki, uşaq o dili də qavrasın. Sonrakı illərdə, 3-4 yaşından sonra ikinci dili əlavə eləmək olar. İlk bir il ərzində mütləq bir dil olmalıdır. Məsləhətdir ki, iki yaşına qədər uşaqlarla heç bir dili qarışdırmasınlar”.

Günay Şahmar, Bizim.Media


QEYD: Material Medianın İnkişafı Agentliyinin elan etdiyi müsabiqənin qaydalarının 8-ci Maliyyə yardımının göstərilməsi müddəasının 6.3.19. uşaq və gənclərin fiziki və mənəvi inkişafı - bəndinə uyğun olaraq hazırlanıb.