Aysel Əlizadədən erotik ŞEİR - ''Dodaqlarımı dodaqlarının arasında yatırardın...''

Şair Aysel Əlizadə bu dəfə erotk şeiri ilə gündəmə gəlib.

Bizim.Media xəbər verir ki, o, feysbukda  yeni şeirini paylaşıb. Həmin şeiri təqdim edirik:

Kaş yatağımı bunca yalqız qoymazdın
qoxunu həsrətdən yox,
şəhvətdən alardım.
Kaş dodaqlarımı
dodaqlarının arasında yatırardın.
Necə başlamışdısa, eləcə bitərdi.
Gərək gözəl ayrılardıq.

Sən gözüyumulu,
yarıoyaq, yarıyuxulu
alnımdan boynuma
dodağınla cizgi çəkərdin,
başımı geri atıb aşağı ötürüb
yol verərdim mən də sənə.
Sən nəfəsini yel kimi dərimə üfürüb
İsti küləyim olardın yenə.

Bütün hücrələrimlə yanardım onda.
Səhra kimi uzanardım altında, suyum olardın...
Soyudardın qumsallığımı,
canına çəkərdin qadınlığımı.

Kaş gözəl ayrılardıq...
Tanrı kimi sevişib gedərdin.
Bətnimdə bəyaz iz buraxardın,
Sənə bir İsa doğardım ki...

Bizim.Media