“Ərəblər turist kimi səfər etdikləri ölkələrin qayda-qanunlarına, milli-mənəvi, əxlaqi dəyərlərinə hörmətlə yanaşmaqla bərabər, orada böyük vəsait xərcləyirlər, onların dövlət büdcəsinə, iqtisadiyyata müəyyən qatqıları olur”x9d .
Moderator.az xəbər verir ki, bu barədə millət vəkili Adil Əliyev Feysbuk hesabında bildirib.
Onun sözlərinə görə, son günlər Azərbaycana gəlmiş ərəb turistlərlə bağlı sosial şəbəkələrdə geniş müzakirə aparılır. Xüsusilə də onların Bakının “Tarqovı”x9d adlanan məkanında guya özlərini apara bilməmələri, kimlərəsə söz atmaları və s. ciddi polemikaya səbəb olub:xa0
“Əlbəttə ki, hər bir şəxsin, o cümlədən, xarici vətəndaşların, turistlərin olduqları ölkənin qayda-qanunlarına, milli-mənəvi, əxlaqi dəyərlərinə hörmətlə yanaşması olduqca vacibdir. Amma burada bir məqamı diqqətə çatdırmaq istəyirəm. Ərəblər dünyanın, demək olar ki, bütün ölkələrində, həmçinin inkişaf etmiş Avropa ölkələrində mövcuddurlar. Onlar turist kimi səfər etdikləri ölkələrin qayda-qanunlarına, milli-mənəvi, əxlaqi dəyərlərinə hörmətlə yanaşmaqla bərabər, orada böyük vəsait xərcləyirlər, onların dövlət büdcəsinə, iqtisadiyyata müəyyən qatqıları olur.
Necə olur ki, inkişaf etmiş ölkələrdə ərəb turistlərdən narazılıq edilmir, “qadınlarımıza söz atdılar, sataşdılar”x9d kimi giley-güzarlar eşidilmir, amma Azərbaycanda müəyyən şəxslər ərəblərə qarşı fəal kampaniya aparırlar? Onlar qarşılarına çıxan hər qadına söz atırlarmı? Kimsə ərəblərdən polisə şikayət edibmi? Əgər bu suallara cavab yoxdursa, deməli, problemi ərəblərdə deyil, özümüzdə axtarmaq lazımdır”x9d.
