Moderator.az daha bir Şəhid ailəsinin probleminin həllində vasitəçilik edərək sevincinə vəsilə olub.xa0
Belə ki, saytımızın əməkdaşı 20.04.2017-ci il tarixdə ötən ilin aprel döyüşlərində şəhid olmuş Dəmirli Hüseyn Zeynal oğlunun Biləsuvardakı ata evindən reportaj hazırlamışdı. Həmin reportajı bu linkdən oxuya bilərsiniz: (moderator.az/news/175844.html )xa0
Söhbət əsnasında şəhid anası Təranə xanım bildirmişdi ki, şəhidimizin əkiz qardaşı Kamran Dəmirli Azərbaycan Dövlət Neft və Sənaye Universitetinin ikinci kurs tələbəsidir. İllik təhsil haqqı isə 1600 manatdır və təhsil haqqını ödəməyə ailənin maddi imkanı yoxdur. Şəhid anası imkan daxilində aidiyyatı qurumların bu məsələdə onlara güzəştə getməyini xahiş etmişdi.xa0
Məsələ ilə bağlı biz Təhsil Nazirliyinə müraciət etsək də təəsüf ki, nazirlikdən müsbət cavab ala bilməmişdik. Ancaq çox keçmədən məsələyə Azərbaycan Dövlət Neft və Sənaye Universitetinin rəhbərliyi müdaxilə etdi. Hadisədən xəbərdar olan rektor problemi nəzarətə götürərək, işə baxılması üçün Elmi Şurada müzakirəyə çıxardı.xa0
Şəhidimizin əkiz qardaşı Kamran Dəmirli bu gün Moderator.az-a bildirib ki, təhsil aldığı universitetin rəhbərliyi tərəfindənxa0illik 1600 manat təhsil haqqı ləğv edilib. Şəhidimizin xa0qardaşı, həmçinin, problemi ictimailəşdirən Moderator.az saytına və həllinə imza atan rektor Mustafa Babanlıya sonsuz təşəkkür edib.xa0
Biz də Moderator.az kollektivi adından Azərbaycan Dövlət Neft və Sənaye Universitetininxa0rəhbərliyinə minnətdarlığımızı bildiririk.xa0
Vasif Əlihüseyn
