Bu gecə şimal bölgəsinin bütün rayonları şaxtalı və qarlı keçib. Rayonlarda bütün kəndarası və paytaxta gedən mərkəzi magistral yolları buz bağlayıb.
Quba Ərazi Hidrometerologiya müəssisəsindən Bizim.Media-ya məlumat verilib ki, ən çox qar 18 sm olmaqla Quba şəhərinə yağıb. Ən yüksək soyuq hava isə Xaltan kəndində qeydə alınıb: 11,7 dərəcə şaxta.
Bu gün qar yağması dayansa da şaxtalı hava davam edir. Yollarda hər hansı qəza barədə məlumat yoxdur.
Aytəkin Alxaslı, Bizim.Media, Şimal bürosu
