Son beş ildə Azərbaycanda kitabxanaların sayı azalıb.
Bizim.Media Dövlət Statistika Komitəsinə istinadən xəbər verir.
MÖVZU İLƏ BAĞLI:
Azad olunmuş ərazilərdə dağıdılmış kitabxanalardan götürülmüş nümunələr sərgidə NÜMAYİŞ olunur
Komitənin məlumatına görə, 2018-ci ildə ölkədə 2942 kütləvi kitabxana mövcud idisə, 2021-ci ildə 2915, 2022-ci ildə isə kitabxanaların sayı 2913 olub.
Həmçinin, ölkədə uşaq kitabxanalarının sayında da azalma qeydə alınıb. 2018-ci ildə uşaqlar üçün 89 kitabxana fəaliyyət göstərirdisə, 2022-ci ildə müəssisələrin sayı 87-yə enib.
Kitabxanalarla yanaşı, kitabxana fondu da azalıb. Lakin son beş ildə kitabxana işçilərinin sayında artım olub. Belə ki, 2018-ci ildə 8025 kitabxana işçisi vardısa, 2022-ci ildə işçilərin sayı 8152 nəfərə çatdırılıb.
Xatırladaq ki, ölkədə müstəqillik illərində ən çox kitabxana sayı 1992-ci ildə qeydə alınıb. Həmin il ölkədə 4909 kitabxana fəaliyyət göstərib.
Günay Şahmar, Bizim.Media
