“Zorakılıq görmüş qadınların gecələməsi üçün bölgələrdə sığınacaqlar yoxdur " - Vüsalə Hüseynli 

"Təssüfedici məqam odur ki, regionlardan yalnız Gəncədə qadın sığınacağı var. Digər bölgələrdə nəinki qadın sığınacağı, qadın qoruma mərkəzləri belə yoxdur"

Bizim.Media xəbər verir ki, bunu "Regionlarda gender əsaslı zorakılıq və məişət zorakılığı əleyhinə mübarizə sahəsində təşəbbüs qruplarının yaradılması" layihəsinin hesabat konfransında "İslahatçı Qadınlar və İnnovasiyalar" İctimai Birliyinin rəhbəri Vüsalə Hüseynli qeyd edib. 

Onun sözlərinə görə, regionlarda qadın sığınacaqlarının olmaması zorakılığa məruz qalmış qadınların harada gecələməsi baxımından çətinlik yaradır:

Əlbəttə ki, bütün Azərbaycan qadın sığınacağı ola bilməz. Amma ən azı qadın qoruma mərkəzlərinin olması, zorakılıq görmüş qadınların güvənc yerinin olması deməkdir. Digər məsələ həm də bölgələrimizdə qadın polislərimizin sayının az olmasıdır. Hesab edirəm ki qadın hüquqlarını müdafiə edən qurumlar bu məsələni nəzarətdə saxlayacaqlar". 

Alçina Amilqızı, Bizim.Media