Bakı-Quba-Rusiya sərhədinə gedən ödənişli yolun Xaçmazdan keçən hissəsində baş verən qəzada xəsarət alan sürücü 59 yaşlı Xalis Babayev Xaçmaz rayon Mərkəzi Xəstəxanasında dünyasını dəyişib.
Bizim.Media-nın yerli bürosu xəbər verir ki, həkimlərin səyinə baxmayaraq, onun həyatını xilas etmək mümkün olmayıb.
*** 21:34
Yeni istifadəyə verilən Bakı-Quba-Rusiya sərhədinə gedən ödənişli yolun Xaçmazdan keçən hissəsində baş verən qəzanın bəzi təfərrüatları məlum olub.
Bizim.Media-nın yerli bürosu xəbər verir ki, qəza törədən "Nissan-X-Trail" markalı avtomobildə olanlar Qusar rayon sakinləridir.
MÖVZU İLƏ BAĞLI:
Ödənişli yolda QƏZA: Ölən və yaralı var - FOTO
Avtomobilin aşması nəticəsində ölən sərnişin, 58 yaşlı Təranə Babayeva sürücü 59 yaşlı Xalis Babayevin həyat yoldaşıdır.
Faktı Xaçmaz rayon polis şöbəsinin istintaq bölməsi araşdırır.
Aytəkin Alxaslı, Bizim.Media, Şimal bürosu.
