İsrail vətəndaşlarına səyahətlərlə bağlı XƏBƏRDARLIQ ETDİ 

İsrail dünyada yəhudilərə qarşı hücumların artması səbəbindən vətəndaşlarını xarici ölkələrə səfərlərdən çəkinmək barədə xəbərdarlıq edib. 

Bizim.Media xarici KİV-ə istinadən xəbər verir ki, bu barədə İsrail Təhlükəsizlik Şurası və Daxili İşlər Nazirliyi birgə məlumat yayıb.

“Son həftələrdə bütün dünyada israillilərə və yəhudilərə qarşı həyati təhlükəsi olan hücumlarla yanaşı, antisemitizm və təhrik hadisələrinin əhəmiyyətli dərəcədə artmasının şahidi oluruq. Bu hadisələr dünyanın bir çox ölkəsində, o cümlədən terror xəbərdarlığı olmayan dövlətlərdə də baş verir”, - deyə məlumatda qeyd edilib.

Xatırladaq ki, oktyabrın 7-si İsrail ərazisi Qəzza zolağından raket atəşinə tutulub. Qəzza zolağına nəzarət edən HƏMAS hərəkatı İsrailə qarşı genişmiqyaslı hərbi əməliyyata başladığını bildirib. 
Bunun ardınca İsrail ordusu Qəzza zolağında “Dəmir qılınclar” adını verdiyi hərbi əməliyyata başlayıb.

Bizim.Media