Oktyabrın 20-də Bakıda “Neokolonializm: İnsan Hüquqlarının Pozulması və Ədalətsizlik” adlı beynəlxalq konfrans təşkil olunub.
Bizim.Media xəbər verir ki, Bakı Təşəbbüs Qrupunun təşkilatçılığı ilə keçirilən konfransda Prezidentin köməkçisi Hikmət Hacıyev, Fransanın müstəmləkə altında saxladığı ərazilərin təmsilçiləri, millət vəkilləri və digər rəsmilər iştirak ediblər.
MÖVZU İLƏ BAĞLI:
Bakıda Fransanın müstəmləkəçilik siyasəti ilə bağlı beynəlxalq konfrans KEÇİRİLİR
Əvvəlcə, Hikmət Hacıyev Prezident İlham Əliyevin konfrans iştirakçılarına müraciətini səsləndirib.
Müraciətdə qeyd olunub ki, əsrlər keçsə də Fransa kolonializminin utancverici yeni metodları bu gün də davam etməkdədir. Bildirilib ki, Riyakar və ikili standartlı siyasət yürüdən Fransa regionumuzda milli azlıqların müdafiəçisi kimi özünü təqdim etməyə çalışır.
Konfransda çıxış edən digər iştirakçılar da Fransanın müstəmləkəçilik siyasətini tənqid edən fikirlər səsləndiriblər. Koloniyalardan gələn nümayəndələr rəsmi Parisin müstəmləkə xalqlarına qarşı törətdiyi insanlıq cinayətlərini diqqətə çatdırıblar.
Konfrans iştirakçıları Azərbaycanın Fransa müstəmləkəçiliyinə qarşı mübarizədə göstərdiyi yardımlarla bağlı Bizim.Media-ya danışıblar.
Konfransdan hazırladığımız videoreportajı təqdim edirik:
Murad Əhmədov, Nicat Niftəliyev, Bizim.Media
