Son illər Kənd Təsərüfatı Nazirliyinin təşəbbüsü ilə Bakının müxtəlif rayonlarında kənd təsərüfatı məhsullarının aradakı dəllallar olmadan istehsalçıdan birbaşa istehlakçıya çatdırılmasına xidmət edən yarmarkaların təşkil olunması alıcılıq qabiliyyəti aşağı olan vətəndaşların işinə yaramağa başlamışdı. Bu yarmarkaların əsas məqsədi kəndlilərin öz məhsullarını şəhərə gətirib rahat sata bilməsidir. Bu zaman qiymətlərdə də nəzərə çarpacaq qədər ucuzluq müşahidə olunurdu.
Moderator.az-ın apardığı araşdırmadan sonra isə bəzi kənd təsərüfatı yarmarkalarına alverçilərin ayaq açdığı məlum olub. Əməkdaşımız Badamdar qəsəbəsində apardığı müşahidə zamanı bunun şahidi olub. Belə ki, yarmarkada Badamdar sakinlərinin “toçka”x9dları mövcuddur. Bu şəxsələr əsasən Badamdar qəsəbəsinə yaxın olan “Meyvəli”x9d bazarından məhsullar alıb Badamdar yarmarkasında satırlar. Yarmarkadakı qiymətlər də hətta marketlərdə satılan meyvə - tərəvəzlə fərqlənmir. Belə ki, Yarmarkada üzüm 2-2.50 azn-ə, kartof - soğan 0.50- 0.80 azn-ə, pomidor 1-1.50 azn-ə, gavalı 1 azn-ə, limon 0.50 azn-ə təklif olunur. Bu məhsulları isə marketlərdən elə qeyd olunan qiymətə almaq mümkündür.
Göründüyü kimi adı yarmarka olsa da, əslində bu məkanlarda alverçilərin bazarı təşkil olunur. Kənd Təsərrüfatı Nazirliyi isə bu kimi eybəcərliyin qarşısını almaq əvəzinə alverçilərin daha da rahat formada işləməsi üçün şərait yaradır. Əməkdaşımız bazarda Kənd Təsərüfatı Nazirliyinin nümayəndəsini axtarsa da onu orada tapa bilməyib. halbuki əslində nazirliyin əməkdaşları vəziyyətə nəzarət etmək üçün daim yarmarkada olmalıdırlar...
