Zaqatalada ev YANDI

Hazırda oxunan: Zaqatalada ev YANDI

150227

Zaqatalanın Qımır kəndində sakinə məxsus fərdi evdə 15 gün əvvəl də yanğın şübhələr yaradıb.

Bizim.Media-nın yerli bürosu kənd sakinlərinə istinadən bildirir ki, Şərif Bayraməliyevə məxsus ikimərtəbəli, altıotaqlı evdə 15 gün əvvəl gecə saatlarında yanğın baş vermişdi.

Həmin vaxt sakinlərin və yanğınsöndürənlərin səyi nəticəsində mətbəxdə baş verən yanğın söndürülüb və genişlənməsinin qarşısı alınıb.

Fövqaladə Hallar Nazirliyinin Zaqatala Rayon Dövlət Yanğından Mühafizə Hissəsindən verilən məlumata əsasən, bu gün səhər saatlarında Qımır kənd sakini Şərif Bayraməliyevə məxsus, ümumi sahəsi 240 kv/m olan fərdi yaşayış evində təkrar yanğın baş verib.

Yanğın nəticəsində evin 30 kv/m-lik sahəsinin yanar konstruksiyaları yanıb. Evin qalan hissəsi yanğından mühafizə edilib. Xoşbəxtlikdən yanğın zamanı xəsarət alan olmayıb.

Bir ayda təkrar yanğın hadisəsi ev sahibində və sakinlərdə şübhələr yaradıb. Hazırda hadisənin təfərrüatları araşdırılır.

Tural Rasim oğlu, Bizim.Media, Şimal-Qərb bürosu