Arıqlamaq üçün limonlu su içmək ZƏRƏRLİ İMİŞ... – XƏBƏRDARLIQ 

Bəzilərimiz limonu sevərək, əksəriyyətimiz isə arıqlamağa kömək etdiyi üçün gündəlik istifadə edirik. Əsasən səhər içilən limonlu suyun  həzmi dəstəklədiyi, arıqlamani sürətləndirdiyi, dəriyə fayda verdiyi və immuniteti gücləndirdiyi deyilir. Amma çox limonlu su içmək belə faydaları təmin etməyə bilər. Əslində, limon suyunu həddindən artıq istehlak etsəniz, bir çox yan təsirlərlə üzləşə bilərsiniz.

Səhərlər ilıq suya bir neçə damcı limon damlatmaq günə daha yaxşı başlamanıza kömək edə bilər, lakin hər şeyin çoxu sağlamlığa zərərlidir.  Arıqlamaq üçün limonlu su içirsinizsə, diqqət etməli olduğunuz bəzi məqamlar var.

Bizim.Media limonlu suyun zərərlərini təqdim edir:

Dişlərinizin çürüməsinə səbəb olur

Limonlar yüksək turşuluqlu sitrus meyvələridir. Əgər insan limon suyunu tez-tez və həddindən artıq istehlak edərsə, limonun turşulu olması səbəbindən diş minasında həssaslıq və çürümə baş verə bilər. Ağız yaraları yoluxucu olmayan, ağrılı, ağızda inkişaf edən kiçik yaralardır. Sitrus meyvələrinin bəzi hallarda ağız yaralarına səbəb olduğu bilinir. Limon suyu içməzdən əvvəl ağız yaralarının tam sağalmasını gözləmək daha yaxşıdır.

Baş ağrıları yaradır

Sitrus meyvələri tez-tez miqren və baş ağrılarına səbəb olur. Bunun səbəbi limonun tez-tez baş ağrısına səbəb olan təbii monoamin olan tiramin istehsal etməsi ola bilər. Əgər həddindən artıq baş ağrıları yaşayan birisinizsə, limon suyu qəbulunu azaltmaq tövsiyə olunur. Baş ağrıları ilə limon arasında heç bir sübut edilmiş əlaqə yoxdur, lakin tədqiqatlar sitrus meyvələrinin qəbulu ilə miqren arasında əlaqə olduğunu göstərir.

Mədə problemlərini tətikləyir 

Sitrus meyvələrini çox istehlak edən insanlar tez-tez mədə-bağırsaq problemləri, mədə yanması, ürəkbulanma və qusma ilə qarşılaşırlar. Odur ki, bu əlamətlərdən hər hansı birini hiss etsəniz, limonlu sudan uzaq durmağınız məsləhətdir.

Eyni zamanda, astroezofagel-reflü xəstəliyi olan insanlar limon suyunun həddindən artıq qəbulundan çəkinməlidirlər.

Limon qabığı mikrobları orqanizmə ötürür

Limon qabığı vasitəsilə bədənə bir çox mikroblar daxil ola bilər. Restoranlar tez-tez limonlu içkilərə limon dilimləri qoyurlar. Bununla belə, müxtəlif araşdırmalar sübut edir ki, limonun tərkibində təhlükəli xəstəliklər yarada bilən mikroorqanizmlər var. Riskləri azaltmaq üçün içkinizin içinə limon qabığı əlavə etmək əvəzinə limon sıxmaq məsləhətdir.

Röyanə Oğuz, Bizim.Media