Bakı şəhər İcra Hakimiyyəti başçısının müavini Fidumə Hüseynova vəzifəsindən azad edilib.
Bizim.Media-nın əldə etdiyi məlumatına görə, onun yerinə hələlik təyinat yoxdur.
Qeyd edək ki, Hüseynova Fidumə Məmmədəli qızı 2005-ci ildən şəhər merinin müavini vəzifəsində çalışıb.
F. Hüseynova daha əvvəl - 3 iyul 2003-cü ildən 6 aprel 2005-ci ilədək Bakının Binəqədi rayonu İcra Hakimiyyətinin başçısı işləyib.
O, həm də Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının, eləcə də Azərbaycan Respublikası Turizm Şurasının üzvü kimi də fəaliyyət göstərib. 18 mart 2000-ci il tarixində Əməkdar Müəllim adına layiq görülüb.
Bizim.Media
