Lənkəranda qeyri-adi kafe - Həm əylən, həm də pulsuz dil öyrən - FOTOLAR

Lənkəran şəhərində fəlaiyyət göstərən kafelərdən biri buradakı gənclərin böyük rəğbətini qazanıb. Səbəb isə obyektin sahibinin gənclərin inkişafına dəstək verməsidir.

İlqar adlı sahibkar ingilis dilini öyrənmək istəyənlər və yaradıcılıqla məşğul olan gənclərə kafedə təmənnasız imkanlar yaradır.

Bizim.Media xəbər verir ki, kafe jurnalist Azər Qəribin də diqqətini çəkib.

O, feysbuk hesabında məkanla bağlı paylaşım edib:

“Lənkəranın mərkəzində bir kofeşop var, Bakıdan vətəninə dönən və xaricdə təhsil alan İqrar adlı bir gənc kafeni açıb onu və bu kafe artıq yerli yaradıcı cavanların sevimli məkanına çevrilib.

Biz orada olanda bir qrup gənc qızlar kafe otağlarının birində ingilis dilində məşqlər edirdilər, el arasında buna konverseyşn deyirlər.

İqrar onlara bu yeri təmənnasız olaraq verir, məqsədi qazanc deyil, yerlilərinin inkişafıdır. Necə deyərlər, malades!”

Bizim.Media