Azərbaycanın İrandakı səfirliyinə silahlı hücum edən cinayətkarı zərərsizləşdirən Vasif Tağıyev ötən gün yenidən əməliyyat olunub.
Bizim.Media "oxu.az"a istinadən xəbər verir ki, bunu açıqlamasında onun anası Təranə Tağıyeva bildirib.
O bildirib ki, oğlunun çənə sümüyü üzərində əməliyyat olunub:
“Hücum zamanı Vasifə iki güllə dəymişdi. Çənəsinin bərpası üçün implant qoyulmuşdu. Əməliyyat edib, onları çıxardılar. İki həftə yemək yeməyində çətinliklər olacaq”.
O qeyd edib ki, Vasifin vəziyyəti yaxşıdır.
Xatırladaq ki, V.Tağıyev hücum zamanı altı qəlpə yarası almış və əməliyyat olunmuşdu.
27 yanvar 2023-cü il tarixində Bakı vaxtı ilə səhər saat 8:30-da Azərbaycan Respublikasının İrandakı səfirliyinə silahlı hücum olub. Hücum edən şəxs avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı - Mahir İmanov və Vasif Tağıyev - hücumun qarşısını alarkən yaralanıb.
Öldürülən baş leytenant O.Əsgərov yanvarın 30-da İkinci Şəhidlər xiyabanında torpağa tapşırılıb.
Bizim.Media
- A-
- A
- A+
Cəmiyyət
13:52 / 08.07.2023
Vasif Tağıyev yenidən əməliyyat OLUNDU - VİDEO
Hazırda oxunan: Vasif Tağıyev yenidən əməliyyat OLUNDU - VİDEO
Hazırda oxunan: Vasif Tağıyev yenidən əməliyyat OLUNDU - VİDEO
145214
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
