''Azadam! Şərti olsa da azadlıqdayam. İlk gündən deyirdim ki, günahsızam. Dayanmadan təkrarlayırdım ki, terrorçu deyiləm, olmamışam və heç vaxt olmayacam"
Bizim.Media xəbər verir ki, bu sözləri azərbaycanlı iş adamı Mübariz Mənsimov özünün sosial şəbəkə hesabında bildirib.
MÖVZU İLƏ BAĞLI:
İş adamı Mübariz Mənsimov ev dustaqlığına buraxıldı - VİDEO
"Hər zaman sözümlə və əməlimlə dövlətimin yanında olmuşam və bundan sonra da olacam. Heç kim və heç nə məni bu yoldan döndərmək gücündə deyil. Bu günə qədər dəstək məktubları, zəngləri, mesajları, ən kiçik işi ilə belə yanımda olan hər kəsə təşəkkür etmək istəyirəm.
Analar, bacılar, qardaşlar dostlarım! Hər birinizi bir daha tanıdım, hər birinizin sevgisini gördüm və hiss etdim.
Əlbəttə, çox çətin və çox yorucu bir dövr yaşadıq. Gah sevindik, gah da kədərləndik. Gərgin anlarımız da oldu. Amma təki bütün çətinliklərin sonu gözəl olsun, İnşallah. Haqq qazansın, şər-böhtan deyil. Satqınları və xəyanətkarları isə Allaha tapşırıram. Dualarınız bizimlə olsun!
12 aylıq ayrılıqdan sonra ailəmin əhatəsindəyəm. Atam və anam üçün çox darıxmışdım. Ailəm, övladlarım üçün çox darıxmışdım.
“Palmali” ailəsi üçün çox darıxmışdım. Ayrıca 350 gün yanımdan 1 gün də ayrılmayan mənə inananlara, xüsusilə haqqımı savunan vəkillərimə təşəkkürümü bildirirəm. Mənə inandınız, məni qorudunuz, 350 gün sirdaşım oldunuz.
HƏR BİRİNİZƏ TƏŞƏKKÜR EDİRƏM!", deyə iş adamı bildirib.
Qeyd edək ki, Mübariz Mənsimov ötən ilin mart ayında FETÖ işi üzrə aparılan istintaq zamanı həbs olunmuşdu.
5 mart 2021ci il tarixində isə İstanbul Ədalət Sarayında FETÖ terror təşkilatına üzv olmaqda ittiham edilən azərbaycanlı iş adamı Mübariz Mənsimovun məhkəməsi keçirilib. Mənsimov 5 il müddətinə şərti cəza alaraq məhkəmə nəzarəti altında şərti azadlığa buraxılıb.
Bizim.Media
