Qış aylarında ən çox şaxta görən Qubanın Qrız kəndinə mayın 3-də qar yağıb. Bu hal sakinləri çox təəccübləndirib, çünki bu ərəfədə kəndə nadir hallarda qar yağır.
Bizim.Media xəbər verir ki, qarın yağmasına Qrız və Xınalıq kəndlərinin sakinləri çox sevinir.
Bildirirlər ki, quraqlığın geniş müşahidə edildiyi bir vaxtda yaz qarının və yağışın yağması əkin və tərəvəz sahələri üçün çox xeyirlidir.
Dağ camaatı bu ərazilərdə əsasən əkinçilik və maldarlıqla məşğul olur. Yağan qar və yağışın dəmyə şəraitində yerləşən otlaq sahələrinin canlanmasına daha çox səbəb olacağı şübhəsizdir.
Dağ çaylarında da sululuğun artacağı müşahidə edilir. Bu mənada may qarını sakinlər müjdə və ruzi kimi qiymətləndirir.
Yağıntılı hava şəraiti davam edir.
Aytəkin Alxaslı, Bizim.Media, Şimal bürosu
