2023-cü ilin birinci rübündə pensiya ödənişlərinə ötən ilin müvafiq dövrünə nisbətən 16 faiz (198 mln. manat) çox olmaqla 1 mlrd. 416 mln. manat vəsait yönəldilib.
Əmək və Əhalinin Sosial Müdafiəsi Nazirliyindən Bizim.Media-ya verilən xəbərə görə, pensiyaların orta aylıq məbləği 16 faiz artaraq 423 manata, yaşa görə pensiyaların orta aylıq məbləği 15 faiz artaraq 456 manata çatıb.
Növbəti sosial islahat paketi çərçivəsində minimum pensiya bu il fevralın 1-dən 240 manatdan 280 manata çatdırılıb. Ötən il pensiyaçılara verilən maddi yardımlar bu ilin əvvəlindən onların pensiyaları tərkibinə daxil edilərək pensiyaları artırılıb.
Həmin artım tətbiq edildikdən sonra pensiyaların 2022-ci il üzrə orta aylıq əməkhaqqının illik artım tempinə uyğun olaraq 14,7 faiz indeksləşdirilərək artırılması təmin edilib.
Bu ilin 3 ayı ərzində 10,3 min, elektron pensiya təyinatına başlandığı 2019-cu ilin əvvəlindən isə 81,7 min pensiya təyinatı e-sistem üzərindən proaktiv qaydada həyata keçirilib.
Bizim.Media
- A-
- A
- A+
Cəmiyyət
11:46 / 20.04.2023
Pensiyanın orta aylıq məbləği ARTDI
Hazırda oxunan: Pensiyanın orta aylıq məbləği ARTDI
Hazırda oxunan: Pensiyanın orta aylıq məbləği ARTDI
131828
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
