Aprelin 12-də yeni yaradılmış Qarabağ Hərəkatı (QH) konfrans keçirib.xa0
Konfransda QH-nin strukturu müəyyənləşdirilib və başqanı seçilib. QH-nin mətbuat xidmətinin verdiyi məlumata görə, toplantıda İdarə Heyətinin üzvlərinin kimliyinə aydınlıq gəlib, hərəkat başqanının müavinləri təsdiq edilib.xa0
İdarə Heyətinin üzvləri yekdilliklə Vasif Qurbanzadənin hərakatın başqanı olmasına səs verib. Qurbanzadə konfrans iştirakçıları qarşısında çıxış edib, göstərilən etimada görə təşəkkürünü bildirib. O, çıxışında ölkədəki ictimai-siyasi durumu, hələ də həllini tapmayan Qarabağ problemini qabardıb, hərakatın qarşısında duran hədəflər açıqlayıb.

































































































