Biləsuvarda məişət zorakılığı ilə bağlı təlim keçirildi - FOTO

“Azərbaycan Uşaqları” İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə 01 mart 2023-cü il tarixdən “Regionlarda gender əsaslı zorakılıq və məişət zorakılığı əleyhinə mübarizə sahəsində təşəbbüs qruplarının yaradılması” layihəsinə başlayıb. 

Bizim.Media xəbər verir ki, layihə “Çevik Ekspertlər Qrupu” Koalisiyasının birgə fəaliyyəti əsasında icra olunur.

Layihənin icrasında iştirak edən tərəfdaş təşkilatlar bunlardır:

1.”Təmiz Dünya” Qadınlara Yardım İctimai Birliyi
2.“Gəncə Regional Qadın Mərkəzi” İctimai Birliyi
3.”İslahatçı Qadınlar və İnnovasiyalar” İctimai Birliyi
4.”Vətəndaş” Tədqiqat və İnkişaf İctimai Birliyi
5.“Azərbaycan Uşaqları” İctimai Birliyi

Layihə çərçivəsində Biləsuvar rayonunda 12 aprel  2023-cü il tarixindən başlayaraq  3 günlük təlimlər keçirilib.

Təlim iştirakçıları 3 gün ərzində Azərbaycan Konstitusiyası, Beynəlxalq Konvensiyaların ratifikasiyası, stereotiplər, cinsi mənsubiyyətə görə ayrı seçkiliyə  yol verilməməsi, Məişət zorakılığı haqqında Qanun, zorakılıqdan müdafiə üçün mövcud olan alətlər, insan alveri haqqında qanun, insan alverinin formaları, cavab mexanizmləri və digər mövzuları öyrənib, diskussiyalar apararaq, eləcə də simulyativ oyunların qrup işlərinin aktiv iştirakçısı olub. 

Təlim zamanı iştirakçılar AUİB-nin “Zorakılıq” filmini izləyərək, filmin müzakirəsini ediblər.

Təlimdə Biləsuvar rayonunun Aşağı-Cürəli, Zəhmətabad, Xırmandalı, Ovçubərə                       kəndlərinin ictimai fəalları, müəllim, psixoloq, uşaq birliyi rəhbərləri, pediatr, bələdiyyə icra nümayəndəliklərinin əməkdaşları, Biləsuvar Qadın Resurs Mərkəzinin əməkdaşları eləcə də, Biləsuvar rayon İcra hakimiyyəti yanında fəaliyyət göstərən komissiyanın psixoloqu iştirak edib.

Təlim zamanı “Azərbaycan Uşaqları” İctimai Birliyinin sədri Kəmalə Ağazadə  layihənin koordinatoru, Təmiz Dünya Qadınlara Yardım İctimai Birliyinin sədri Mehriban Zeynalova layihənin eksperti, “Gəncə Regional Qadın Mərkəzi” İctimai Birliyinin sədri Məleykə Əlizadə təlimçi olaraq iştirak edib.

3 günlük təlimin yekununda iştirakçılar sertifikatlarla təltif olunub.

Bizim.Media