Yevlax-Zaqatala-Gürcüstan sərhəd yolunun bu rayondan keçən hissəsində Tala çayı üzərində yerləşən körpüdə bir sıra fəsadlar ortaya çıxdığından alternativ yoldan istifadə olunacaq.
Bizim.Media-nın yerli bürosu xəbər verir ki, təmirə bağlanan körpü 1967-ci ildə istifadəyə verilib.
50 ildən sonra, yəni 2017-ci ildə körpüdə yenidənqurma və əsaslı bərpa işləri aparılıb. Uzunluğu 132 metr, eni 7 metr olan körpüdə təmirdən sonra hərəkət zolağının eni 10 metr, piyada zolaqları isə 3 metrə kimi genişləndirilib.
Son təmir işləri aparılarkən körpüdə konstruksiya işləri düzgün icra edilmdiyindən tez-tez dağılaraq, yararsız hala düşürdü. Bu isə avtomobillərin körpüdən hərəkətində çətinliklər yaradırdı.
Təmir işləri ilə əlaqədar olaraq bütün avtomobillər alternativ yoldan istifadə edir.
Rayon icra hakimiyyətindən Bizim.Media-ya bildirilib ki, təmir işlərinin tez yekunlaşdırılması üçün yol istismar idarəsinin canlı qüvvəsi və texnikası cəlb edilib.
Tural Rasim oğlu, Bizim.Media, Şimal-Qərb bürosu
