Moderator.az-a Bakının Xətai rayon sakini Orxan Nuriyev tərəfindən şikayət məktubu daxil olub. 23 ildir ki, halal mənzilindən didərgin salındığını iddia edən O.Nuriyev, bunca müddət ərzində pozulan hüquqlarını təmin edə bilmədiyini qeyd edib:
“Əvvəlcədən
qeyd edirəm ki, bu hakimiyyətdən heç nə istəmirəm. Tək istədiyim mənə qarşı yol
verilən ədalətsizliyin aradan qalxmasıdır.
1984-cü
ildən Nəqliyyat Nazirliyinin nəzdində olan dəmir-beton zavodunda ekskavatorçu
işləmişəm. 1989-cu ildə vətəm xəstəliyinə tutulmuşam. 1991-ci ildə mənə bir
otaqlı mənzil verilib. Order əsasında ailəmlə birlikdə pasport qeydiyyatına
düşüb mənzilimizə yerləşmişik.
1992-ci
il martın 18-də valideynlərimizə dəymək üçün rayona getmişik. Ayın 23-də isə
qonşum tərəfindən ara divar uçurularaq qapı açılmış, mənzilimizə giriş qapısı
isə kərpiclə hörülmüşdür.
Mən
baş verən hadisə ilə bağlı Xətai Rayon Prokurorluğuna müraciət etdim. Məni bir
il get-gələ salandan sonra məhkəməyə müraciət etmək üçün məktub verdilər.
Bundan
sonra məhkəməyə müraciət etdim. 7 dəfə məhkəmə prosesi keçirildi. Hakimlərdən
biri xəstə vətəndaşa verilmiş orderi qüvvədə saxladı, o biri hakim isə qonşuma
Xətai Rayon İcra Hakimiyyəti tərəfindən verilmiş ayrı-ayrı mənzillərin birləşdirilməsi
ilə bağlı sərəncama istinad etdi. 553 nömrəli sərəncam qüvvədə saxlanıldı.
Göründüyü
kimi, rüşvətxor məmurların qəzəbinə tuş gəlmişəm. 23 ildir ki, mənzilimdən didərginəm.
Baş verən məlum hadisə mənim psixologiyamda da ciddi dəyişikliklərə səbəb olub.
Mənə qarşı yol verilən ədalətsizlik yadıma düşəndə, qırmızı qalstuklu insan görəndə
içimdə bu insanlara qarşı dəhşətli qəzəb hiss edirəm. Görün məmurlar məni nə
günə qoyub ki, sadəcə mənzilimi deyil, əsəblərimi, təmkinimi də itirməli
olmuşam. Yeganə istəyim mənə qarşı yol verilən bu ədalətsizliyin aradan
qaldırılmasıdır. Hansı ki, 23 ildir ki, bu ədalətsizliyin qurbanıyam”x9d.
Əlaqə telefonu: (050) 560-62-86
