Sabiq millət vəkili, Müdafiə Nazirliyinin mətbuat xidmətinin keçmiş rəhbəri Eldar Sabiroğlu Ankara terroru ilə əlaqədar olaraq Namiq Kamal Zeybəkə və bütövlükdə türk xalqına başsağlığı verib. Moderator.az-a daxil olan başsağlığı açıqlamasında deyilir:
“Əziz qardaşım, Namiq
Kamal Zeybək!
Ankarada terroristlərin
törətdiyi partlayış nəticəsində günahsız insanların həyatlarını itirmələri və
çoxsaylı vətəndaşlarınızın al-qana
bürünməsi məni içimdən üzdü. Xainlərin bu cinayətini Allah yerdə qoymaz.
Türkiyəni diz çökdürmək düşmənə nəsib olmayacaqdır. Bu cür terrorlar sonunda
onun öz başında çatlayacaqdır. Türk milləti əyilməzdir! Onun qürurunu sındırmaq
heç kəsə nəsib olmayacaqdır. Yataqda xəstə olarkən bu acı xəbəri eşitdim və son
dərəcə pərişan oldum. Türk aydınlarının toparlanması, dövlətlə vətəndaşların
qırılmaz birliyinin daha güclü hala gətirilməsi bu üzüntülü günlərdə olduqca gərəklidir.
Namiq bəy, Sizə və xaincəsinə öldürülən insanların ailələrinə
dərin hüznlə başsağlığı verir və Uca Allahımızdan rəhmət və səbr
diləyirəm. Türkün al bayrağı sonsuzluğadək dalğalanacaq! Buna əmin olmalıyıq.
Sayğılarla, Eldar Sabiroğlu
Sabiq millət vəkili, Silahlı Qüvvətlərin əməkli
albayı
