Son günlər test sisteminin ləğvi ilə bağlı təkliflər səslənir.
Maraqlıdır,
test sisteminin ləğvinə həqiqətən də ehtiyac varmı? Doğrudanmı Təhsil Nazirliyi
bundan daha mükəmməl bir sistem ortaya qoya biləcək?
Moderator.az-a
açıqlama verən “Psixoqamma”x9dnın rəhbəri
Limunət Əmrahlı məsələ ilə bağlı maraqlı fikirlər səsləndirib:
“Bu
barədə həm təhsil strukturlarında, həm də cəmiyyətdə fərqli, mübahisəli
yanaşmalar var. Hələlik Təhsil Nazirliyi tərəfindən məsələ ilə bağlı rəsmi
sənəd qəbul olunmayıb. Bütövlükdə isə test sistemi Azərbaycanda özünü
doğruldub, lakin bəzi məqamlar bu sistemin zəif tərəflərini göstərir. Birincisi, ali və orta təhsil
müəsisələrində boş qalan yerlərə görə ilkin balların aşağı salınmasıdır. Bu
halda, deməli buna biliyi çatan da, çatmayan da ali məktəbə qəbul olunur. Nəticədə
500-600 bal toplayan tələbələrlə 200 bal toplayanlar birgə təhsil alırlar. Peşə
hazırlığı prosesi üçün bu, əlbəttə, bir sıra çətinliklər yaradır. Tədris
prosesinin içində olanlar bunun nə demək olduğunu yaxşı bilirlər.
İkincisi,
tələbələrin qabiliyyətlərinin müəyyənləşdirilməsindəki çətinliklərdir. Bildiyimiz
kimi, bütün ixtisaslar üzrə qabiliyyətlər yoxlanılmır. Məsələn, müəllim
ixtisasına qəbul edilənlər (musiqi və ÜTV istisna olmaqla) qabiliyyət imtahanı
vermirlər, halbuki buna ciddi ehtiyac var. Təsəvvür edin, kiminsə nitqi
qüsurludur, lakin yaxşı intellekti var. Test üzrə bal yığır, 400-500 balla müəllim
ixtisası üzrə qəbul olunur. Bu kimi halların incələnməsinə ciddi ehtiyac var.
Bildiyim qədər,
bu sahədə hələ araşdırmalar gedir. Konkret bir nəticə yoxdur. Söhbət test
üsulunun ləğvindən deyil, onun yeni formalarla keçirilməsindən gedir. Bizə isə
qəbul ediləcək qərarların daha mükəmməl, daha yaxşı olacağını arzulamaq qalır”x9d.
Seymur
Əliyev
