Bu gün səhər Siyəzəndə baş verən qəzada iştirak edən sürücülərin və yaralıların şəxsiyyəti məlum olub.
Bizim.Media xəbər verir ki, "Mersedes Vita" markalı avtomaşını 39 yaşlı Gürcüstan vətəndaşı Vüqar Məhəmməd oğlu Abdullayev idarə edib. Avtomobil Siyəzən sakini, 26 yaşlı İftixar Çingiz oğlu Hümbətovun idarə etdiyi "Opel Astra" markalı sedanla toqquşub.
MÖVZU İLƏ BAĞLI:
Siyəzəndə ağır qəza - 2 ölü,7 yaralı – ÖZƏL/FOTO
Qəzada yaralanan və xəstəxanada ölən 46 yaşlı Qənimət Hümbətova da “Opel” avtomobilində olub. O, sürücü İftixar Hümbətovun anasıdır.
Qəza nəticəsində iki nəfər müəllim də həyatını itirib. Onlar isə “Merseders-Vita” avtomobilində olublar.
1. Aygün Eldar qızı İsmayılova - 35 yaşlı Aygün İsmayılova Zirə qəsəbəsində yaşayıb.
2. Aygün Vəliyeva - 39 yaşlı Aygün Vəliyeva Sumqayıt şəhərində yaşayıb.
Qəzada yaralanan və hazırda xəstəxanada olan müəllimlər isə aşağıdakılardır:
1. 31 yaşlı Səbinə Akif qızı Rəsulova Sumqayıt şəhər sakini.
2. 27 yaşlı Səbinə Əlyar qızı Abasova Lerik rayonunun Çayrud kəndində doğulub.
3. 24 yaşlı Sənan Vazeh oğlu İmanov Yardımlı rayonunun Psrşova kəndində anadan olub.
4. 30 yaşlı Çinarə Cavanşir qızı Xəlilova Sumqayıt şəhərinin Corat qəsəbəsində yaşayır.
5. 45 yaşlı Xanım Niymət qızı Mustafayeva Bakının Xətai rayonunda yaşayır.
Onların vəziyyəti orta ağır dəyərləndirilir və hazırda müalicələri davam etdirilir.
Aytəkin Alxaslı, Bizim.Media, Şimal bürosu
