Dünən Sumqayıtda köhnə adı ilə “kolxoz bazarı”x9d kimi tanının meyvə bazarında, icarədarlar icarə haqqını ödəməkdən imtina edib. Bu barədə Moderator.az-ı etibarlı mənbə məlumatlandırıb.
Mənbənin sözlərinə görə, “Karvan”x9d
Ticarət Mərkəzi və meyvə bazarının sahibi Ağamirzə Əhədovun icarə haqlarını
yığan adamı hər zamankı kimi gündəlik arenda haqlarını yığmaq üçün bazara gəlsə
də, ona bir qəpik də olsa vəsait ödənilməyib.
Bazar əməkdaşları öncə
icarə qiymətlərinin aşağı salınmasını tələb ediblər və bildiriblər ki, vətəndaşların
alıcılıq qabiliyyətinin kəskin şəkildə
azaldığı, alış-verişin zəiflədiyi indiki dönəmdə bu qədər yüksək icarə haqqı ödəmək
iqtidarında deyillər. Onlar icarə qiymətlərinin azaldılmasını, ölkədəki mövcud
böhranın nəzərə alınmasını tələb edib.
Mənbənin sözlərinə görə,
bazar əməkdaşları tərəfindən əhatəyə alndığını və izdihamın getdikcə böyüdüyünü
görən A.Əhədovun adamı onlardan dağılışmağı xahiş edib və kimsədən icarə haqqı
almadan hadisə yerini tərk edib.
Məlumat üçün qeyd edək
ki, hazırda meyvə bazarında meyvə satanlardan gündəlik 20 manat, ət alveri ilə
məşğul olanlardan isə 40 manat məbləğində icarə haqqı alınır.
