Manatın sonuncu devalvasiyasından sonra ölkədə sosial-iqtisadi vəziyyətin ağırlaşması, bəzi insanların bank borclarını verə bilməməsi ölkədə intiharların sayını artırmaqdadır.
Maraqlıdır, yaxın gələcəkdə
sosial-iqtisadi durum yaxşılaşmazsa, bu, sosial sıxıntı və gərginlik səbəbi ilə
meydana çıxan intiharların artmasına səbəb ola bilərmi? Ümumiyyətlə, sosial
rifah şəraitinin qeyri-qənaətbəxşliyi insan psixologiyasını intihara necə,
hansı şəkildə sürükləyir?
Məsələ ilə bağlı
Moderator.az-a açıqlama verən tanınmış psixoloq Vəfa Əkbər sosial gərginliyin
psixoloji travmalara səbəb olduğunu vurğulayıb. Psioxloqun sözlərinə görə,
insanlarda psixoloji gərginliyin azalması üçün onların düzgün qidalanması,
sağlam yuxu rejiminə malik olması vacibdir:
“Sosial gərginliyin
artması təbii ki, öz növbəsində müəyyən psixoloji travmalara səbəb olur. Nəzər
almaq lazımdır ki, hər insanın sinir sistemi eyni səviyyədə, eyni möhkəmlikdə
deyil. Bu səbəbdən də eyni vəziyyətdə hər kəs fərqli davranış sərgiləyir. Güclü
insan çətin vəziyyət qarşısında mübarizə aparmaq, bu vəziyyətdən çıxmaq üçün səy
göstərmək yolunu tutur. Zəif sinir sisteminə malik insanlar isə intihara təşəbbüs
edir. İkinci kateqaoriya mənsub insanların cəmiyyətdə üstünlük təşkil etdiyi
inkar edilmir.
Sosial gərginlik fonunda
baş verən intihar və psixoloji travmaların sayının artıb-azalması
iqtisadiyyatın durumundan, onun yaxın gəlcəkdəki inkişaf səviyyəsindən asılı
olacaq. “Maslou piramidası”x9dna əsasən insanda qida, yuxu və s. tələbatların ödənilməsi
vacibdir. Əgər bir insan doğru qidalanmayacaqsa, sinir pozuntusu həmin şəxsin
yuxusuna haram qatacaqsa, təbii ki, yuxarı pillələr heç də özünü
doğrultmayacaq. Biz psixoloq olaraq insanlarda psixoloji gərginliyin azaldılmasına
çalışırıq. Amma bu bir həqiqətdir ki, gərginlyiin azalması üçün o insanın
düzgün, lazımi səviyyədə qidalanması, sağlam yuxu yatması lazımdır. Əgər bunlar
olmayacaqsa, bizim danışmağımız heç nəyi dəyişməyəcək”x9d.
Seymur Əliyev
