Xudatda Azərbaycanın ən böyük aqroparkı inşa edilir - FOTO

Hazırda oxunan: Xudatda Azərbaycanın ən böyük aqroparkı inşa edilir - FOTO

117114

Xaçmazın Xudat şəhərində möhtəşəm aqropark-loqistik mərkəz inşa olunur. Loqistik mərkəzdə iri tutumlu soyuducu anbarlar və avtomobil parkı tikilir.

Bizim.Media-nın əldə etdiyi məlumata görə, yeni tikilən aqropark 17 hektar sahəni əhatə edir. İnşaat işləri bir neçə ölkənin iş adamlarının iştirakı ilə həyata keçirilir.

Anbarlarda fermerlərin meyvə və tərəvəz məhsulları saxlanılmaq üçün qəbul ediləcək və buradan dəmir yolu, avtomobil vasitəsi ilə Rusiya və digər ölkələrə daşınması təmin ediləcək.

Aqropark istifadəyə veriləndən sonra burada 300 nəfərin işlə təmin olunacağı deyilir. Xudat şəhər sakinləri belə böyük obyektin inşası üçün yaradılan şəraitə görə dövlət başçısına minnətdarlıq edirlər.
Hazırda tikinti işləri davam edir. Ölkə iqtisadiyyatına böyük səmərə və xeyir verəcək aqroparkın istifadəyə veriləcəyi tarix hələ ki, açıqlanmır.

Aytəkin Alxaslı, Bizim.Media, Şimal bürosu