Göygöldə əhalinin su təminatı PROBLEMLƏRİ - FOTO 

Göygöl rayonunda əhalinin su ilə təminat problemləri həll olunur. 

Göygöl rayonunun iki kəndində məhsuldarlığını tam itirmiş iki ədəd subartezian quyusu yenidən qazılaraq bərpa olunub.

Bu barədə Bizim.Media-nın yerli bürosuna rayon icra hakimiyyətindən məlumat verilib.

Bildirilib ki, Göygöl Suvarma Sistemləri İdarəsi tərəfindən rayonun Xaqani və Quşqara kəndlərində iki subartezian quyusu yenidən qazılıb və artıq sakinlərin istifadəsinə verilib. Rayon icra hakimiyyətindən onu da bildiriblər ki, Göygöl Suvarma Sistemləri İdarəsinin balansında olan “Xan arxı” su kanalı lil və tullantılardan təmizlənib, su itkisinin qarşısının alınması məqsədi ilə 2 km hissəsi beton üzlüyə alınıb. 
Məlumat üçün bildirək ki, “Xan arxı” kanalınin məcrasının bəzi ərazilərdə yuyulması nəticəsində suyun bol olan vaxtları mütəmadi daşqınlar baş verirdi və bu da vətəndaşların narazılığına səbəb olurdu. 

Məqsəd Rəhimov, Bizim.Media Qərb Bürosu