Sumqayıt Mərkəzi uşaq kitabxanası səyyar kitabxana xidməti fəaliyyətini davam etdirir.
Moderator.az-a verilən məlumata görə kitabxana xidmətindən uzaq düşmüş qaçqın və məcburi köçkünlərin məskunlaşdığı ərazilərdə yeniyetmə və uşaqlara səyyar kitabxanaların təşkil edilməsi, gənc nəslin kitabxanalara cəlb edilməsi məqsədilə bu gün Mərkəzi uşaq kitabxanasının əməkdaşları Sumqayıtdakı Zəngilan rayonunun 15 saylı tam orta məktəbində səyyar kitabxana xidməti təşkil ediblər.
Kitabxana işçiləri tarixə, milli-mənəvi dəyərlərimizə, bədii ədəbiyyatımıza, mədəniyyətimizə və xalq ədəbiyyatımıza, uşaq hüquqlarına dair kitabları nümayiş etdirmiş və oxucuları kitabxanaya abunə edərək istədikləri ədəbiyyatlar ilə onları təmin ediblər.
Səyyar kitabxana xidmətinin əsas məqsədi kitabxana fəaliyyətinin yaxşılaşdırılması, xidmət səviyyəsinin yüksəldilməsi və gənc nəslin kitaba və kitabxanaya olan marağını artırmaq və oxucuları kitabxanalara cəlb etmək, oxucularda mütaliə vərdişlərini və mütaliə mədəniyyətini inkişaf etdirməkdir.
