Biləsuvarda baş verən qətlin TƏFƏRRÜATLARI

Hazırda oxunan: Biləsuvarda baş verən qətlin TƏFƏRRÜATLARI

108537

Biləsuvarda baş verən qətl hadisəsinin bəzi təfərrüatları məlum olub.

Bizim.Media-nın cənub bürosunun verdiyi məlumata görə, kənd sakini, 1985-ci il təvəllüdlü Kazımov Cavad Eynulla oğlu həmkəndlisi 1982-ci il təvəllüdlü Qarayev Mehtun Ramiz oğluna zəng edərək yaşadığı evinin yaxınlığına çağırıb.

Ailə üzvlərinin bildirdiyinə görə, Cavid Kazımov həmin gün sərxoş vəziyyətdə olub.

O, mərhumu kobud nalayiq ifadələrlə təhqir edərək çölə çaxmasını təkid edib. Təhqirlərə dözməyən Mehtun Qarayev küçəyə çıxaraq Cavidin nişan verdiyi istiqamətə gedib. Cavid gizləndiyi yerdən çıxaraq mərhumə odlu silahla iki dəfə atəş açıb. Nəticədə Mehtun Qarayev hadisə yerində dünyasını dəyişib.

Məlumata görə, onlar arasında ədavət 8 il öncə yaranıb. Mərhum M. Qarayev qəssab kimi fəaliyyət göstərirmiş.

Faktla bağlı Biləsuvar rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Cavad Kazımov şübhəli şəxs qismində tutularaq istintaqa təhvil verilib.

Hazırda iş üzrə istintaq davam edir.

Elşən Feyzullayev, Bizim.Media, Cənub bürosu