Daxili İşlər Nazirliyi (DİN) Xırdalanda yaşayış binasında baş verən partlayışla bağlı məlumat yayıb.
DİN-in Mətbuat Xidmətindən Bizim.Media-ya daxil olan məluamata görə, partlayış baş verən anda ərazidə xidmət aparan polis əməkdaşları dərhal hadisəyə müdaxilə ediblər.
MÖVZU İLƏ BAĞLI:
“AAAF” parkda partlayış – 4 nəfər yaralandı - FOTO
İlkin müdaxilədən sonra əməkdaşlar tərəfindən FHN-in qaynar xəttinə və Təcili Yardıma xəbər verilib. Ardınca partlayış baş verən yaşayış binasındakı əhalinin evakuasiyasına başlanılıb.
İlkin məlumata görə, ikisi uşaq olmaqla hadisə zamanı ümumilikdə 4 nəfər müxtəlif dərəcəli bədən xəsarətləri alıb. Binanın həyətində park edilmiş vətəndaşlara məxsus 2 avtomobilə ziyan dəyib. Faktla bağlı araşdırmalar davam etdirilir.
Qeyd edək ki, hadisə “AAAF” Park Yaşayış kompleksində baş verib. İlkin ehtimala görə, partlayışa səbəb qaz sızması olub.
Bizim.Media
