Məktəblərdə tənəffüs müddəti ARTIRILIR – Təklifə ekspertdən REAKSİYA

“Orta məktəblərdə tənəffüs vaxtının artırılması  təklifnin təhsildə hər hansı dönüş və müsbət nəticə yaradacağına inamım yoxdur”. 

Bu sözləri Bizim.Media-ya açıqlamasında təhsil eksperti Elçin Əfəndi sözügedən təklifə münasibət bildirərkən qeyd edib. Onun sozlərinə görə 45 dəqiqəlik dərs mühiti olduqca qısa bir zamanı əhatə edir.

Bunun ardınca tənəffüs vaxtının artırılması səmərə verməyəcək:

“Düzdür, beynəlxalq sistemdə haradasa, dərs müddəti üçün 39-40 dəqiqə kifayət edir. Amma məktəblərimizdə olan şagird sıxlığını nəzərə alsaq, düşünürəm ki, bunun özü yetmir. Tənəffüs müddətini artırarıqsa, bu, müsbət effekt əldə etməyimizə imkan verməyəcək.

Tənəffüs müddətində biz şagirdlərin səmərəli vaxt keçirmələrini zatən görmürük. Onlar ya qidalanmaq üçün bufetə üz tuturlar, ya da pilləkən və dəhliz boyu ora-bura qaçmaqla məşğuldurlar. Ondansa, hər hansı bir təhsil öyrənsələr, daha yaxşıdır”, - deyə ekspert əlavə edib.

Alçina Amilqızı, Bizim.Media