ADAU-nun mətbuat xidmətindən Moderator.az-a verilən məlumata görə əməkdaşlıq müqaviləsinin imzalanması aqrar elmin inkişafına əsaslı töhfə olacaq. Beynəlxalq təcrübələrin öyrənilməsinə, tələbə-müəllim mübadiləsinə, nəzəriyyə ilə praktikanın uyğunlaşdırılmasına yol açan müqavilə dünyada ərzaq təhlükəsizliyi, problemlər və onun həlli yollarında da iş birliyini təmin edəcək.
ADAU-nun rektoru, professor, AMEA-nın müxbir üzvü İbrahim Cəfərov deyib ki, təhsil universitetimiz aqrar bölmənin inkişafının tənzimlənməsində başlıca rol oynayır və sözü gedən sahənin inkişafını elmi cəhətdən tənzimləyir, yüksək ixtsaslı kadrların hazırlığı hesabına nəzərdə tutulan işlərə elmi baxımdan təkan verir. Eyni zamanda ADAU bu cür konfranslarla xarici əlaqələrini genişləndirir, mütərəqqi metodların təhsilə tətbiqini reallaşdırır, texniki imkanlrını müasirləşdirir, bütövlükdə aqarar elmin əsaslı bazaya söykənməsi üçün ən vacib tədbirlər həyata keçirir.
3 gün davam edən beynəlxalq konfransda 16 xarici dövlətdən 73 nəfər alimin qatılıb və 300-ə yaxın məruzə dinlənilib. Həmin məruzələr əvvəlcədən kitab şəklində çap edilib və iştirakçılara təqdim edilib.
ABŞ-ın İllinoys Universitetinin professoru Mohammad Babadost, Rusiya Dövlət Qiyabi Aqrar Universitetinin rektoru, professor Vladimir Dubovik və digər elm xadimləri konfransın səmərəliliyinin artırılması üçün alimlər arasında əməkdaşlığın genişləndirilməsinin vacibliyini bildiriblər.
