Gəlirləri barədə məlumat verməyən vəkillər - SİYAHI

Azərbaycanda bəzi vəkil büroları Vəkillər Kollegiyasının Rəyasət Heyətinin monitorinq qrupuna illik gəliri 10 min manatdan çox olan vəkillərin fəaliyyəti ilə bağlı sorğusuna cavab verməyib. 

Bizim.Media xəbər verir ki, bu barədə Vəkillər Kollegiyasının dövlət hesabına həyata keçirilən hüquqi yardımla bağlı monitorinqin nəticələrinə dair ümumrespublika müşavirəsində bildirilib. 

Qeyd olunub ki, həmin sorğuya növbətçilik cədvəlləri, dövlət hesabına həyata keçirilən hüquqi yardımla bağlı cinayət təqibini həyata keçirən orqanın və ya məhkəmə qərarlarının surəti, vəkil hesabatları və orderləri və s daxildir. Tələb olunan sənədlər üçün hər büroya 5 gün də müddət verilmişdi. Ancaq sorğular vaxtında və lazımınca icra olunmayıb. Heç bir büro bu müddətə əməl etməyib. 

Ən gec cavabı verən büro isə Hacıqabulda fərdi qaydada fəaliyyət göstərən vəkil Füzuli Eyvazovdur. O məlumatları keçən ayın 20-də təqdim edib. 

Bakı şəhəri üzrə sorğuya 8 və 10 saylı vəkil büroları cavab verməyib. 

Regionlar üzrə 26 vəkil bürosuna sorğular göndərilib. Sorğuya cəmi 6 region cavab verib. 

Regionlar üzrə sorğuya cavab verməyən vəkil büroları aşağıdakılar: 

Astara rayon Vəkil Bürosu 

Cəlilabad rayon Vəkil Bürosu 

Gəncə 1 saylı Vəkil Bürosu 

Lənkəran rayon Vəkil Bürosu 

Mingəçevir şəhər Vəkil Bürosu 

Salyan rayon Vəkil Bürosu 

Şəmkir rayon Vəkil Bürosu

Şirvan rayon regional Vəkil Bürosu 

Tərtər rayon Vəkil Bürosu 

Xaçmaz rayon Vəkil Bürosu 

Xırdalan şəhər Vəkil Bürosu 

Yevlax rayon Vəkil Bürosu 

Sorğuya cavab verməyən fərdi vəkillər isə aşağıdakılardır: 

Abdullayev Etibar Vaqif oğlu 

Ağayev Nəsrulla Qiyas oğlu 

Abbasov Nəvahi Novruz oğlu 

Əliyev Mahir Müşafiq oğlu 

Nəbizadə Arif Murad oğlu 

Hümbətov Elxan Əlihümbət oğlu 

Nəzərov Yəhya Qürbət oğlu 

Sənanzadə Xəyal Natiq oğlu

Bizim.Media