Xarici diplomatlar Tərtərə səfər ediblər - FOTO 

Azərbaycan Respublikasının Ombudsmanı xarici ölkələrin Ombudsmanları və vətəndaş cəmiyyəti institutlarının nümayəndələri ilə birgə Tərtər rayonuna 44 günlük Vətən müharibəsində dəyən ziyanla tanış olublar.  

Bizim.Media-nın yerli bürosu xəbər verir ki, Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Türkiyə, Pakistan, Mərakeş, İndoneziya, Moldova, Yaponiya, Honq Konq, Şimali Kipr, Qırğızıstan, İran, Özbəkistan, Qazaxıstan, Macaristan, Çin və Koreyanın ombudsmanları, milli insan hüquqları təsisatlarının rəhbərləri və əməkdaşları, habelə beynəlxalq təşkilatların və vətəndaş cəmiyyəti institutlarının nümayəndələri ilə birlikdə 44 günlük Vətən müharibəsində Tərtər rayonuna dəymiş ziyanla tanış olublar.  

Qonaqlar əvvəlcə Mərkəzi Meydanda Vətən müharibəsi zamanı Tərtər rayonuna dəymiş ziyanı özündə əks etdirən fotositentlərə və ermənilərin Tərtərə atdığı qadağan olunmuş raketlərin qalıqlarına baxıblar.
Rayon icra hakimiyyətinin başçısı Müstəqim Məmmədov Vətən müharibəsində Tərtər rayonunun inpasturkturuna dəymiş ziyanla bağlı qonaqlara ətraflı məlumat verib.

İcra başçısı mülki infrastrukturlara, inzibati binalarla yanaşı Erməni Silahlı Qüvvələrinin Tərtəri atəşə tutması nəticəsində 16 mülki şəxsin həlak olmasın və 63 nəfərin yaralanmasını xüsusi olaraq diqqətə çatdırıb. Sonda qonaqlar icra başçısı ilə birlikdə Vətən müharibəsi zamanı rayona dəymiş ziyanı müzakirə ediblər.  

Elgün Gəncimsoy, Bizim.Media, Qarabağ bürosu