Bugünlərdə ölkəmizdə səfərdə olan Pakistanın Hərbi Dəniz Qüvvələrinin komandanı Qarabağ məsələsində ölkəsinin Azərbaycanı dəstəklədiyini və ona hər cür yardım göstərməyə hazır olduğunu bildirib.
Məlumat
üçün qeyd edək ki, Pakistan dövləti bundan öncə də Azərbaycanın haqq işini dəstəklədiyini
vurğulamış, problemin hərbi yolla həll ediləcəyi təqdirdə ölkəmizə hərbi-texniki
və əsgəri yardım göstərəcəyini qeyd etmişdir.
Bir
neçə gün bundan öncə Azərbaycanın Pakistan istehsallı qırıcılara maraq göstərməsi,
bu dövlətin Hərbi Dəniz Qüvvələrinin komandanının ölkəmizə səfəri, hərbi əməkdaşlığın
yeni istiqamətləri ilə bağlı aparılan müzakirələr iki dövlət arasında münasibətlərin
yeni inkişaf mərhələsinə qədəm qoyduğunu göstərməkdədir.
Maraqlıdır,
Pakistanın Qarabağ məsələsində Azərbaycanın yanında olması Ermənistanın yanında
olan Rusiya faktorunu qismən də olsa neytrallaşdıra bilərmi? Azərbaycan Rusiya
faktoruna qarşı Pakistan amilindən lazımınca istifadə edərsə, işğaldakı
torpaqların azadlığını təmin edə bilərmi?
Məsələ
ilə bağlı Moderator.az-a açıqlama verən “Hərbi Jurnalistlər”x9d İctimai Birliinin
rəhbəri, hərbi ekspert Üzeyir Cəfərov Pakistanın Qarabağ savaşında Azərbaycana
göstərəcəi hərbi dəstəyin müharibənin taleyi baxımındna həlledici ola biləcəyini
vurğuladı:
“Qardaş
Türkiyə Respublikasından sonra Azərbaycanın haqq işlərinində, xüsusən də
Qarabağ məsələsində ən böyük dəstək verən ölkə, məncə Pakistandır desəm, səhv
etmiş olmaram. Bu, həqiqətən belədir. Əksər türkdilli dövlətlərdən və
xalqlardan məhz pakistanlı dostlarımızın bizə sərgilədiyi mehriban münasibət
qibtə doğurmaya bilməz. Məhz Pakistanın bu günə kimi işğalçı Ermənistana qarşı
bütün sahələrdə göstərdiyi prinsipial və ardıcıl mövqe onu deməyə əsas verir
ki, biz Pakistana tam arxalana bilərik. Hər iki dövlət ən yüksək səviyyədə həm
səfirlik, həm də hərbi attaşelik statusunda təmsil olunublar. Bu günlərdə ölkəmizdə
rəsmi səfərdə olan Pakistan İslam Respublikasının Hərbi Dəniz Qüvvələrinin
komandanı cənab Muhammad Zakaullah bir daha açıq şəkildə bəyan etdi ki, ölkəsi
Qarabağ məsələsində Azərbaycana yardım etməyə hazırdır və Azərbaycan buna tam əmin
ola bilər”x9d.
Ü.Cəfərovun
sözlərinə görə, Pakistanın Qarabağ məsələsində Azərbaycanın yanında olması Ermənistan
kimi Rusiyaya da ciddi çətinliklər yaradır və onları narahat edir:
“Onu
da qeyd edim ki, məhz qardaş Türkiyə kimi, Pakistan İslam Respublikasının
Qarabağ münaqişəsində ölkəmizi dəstəkləməsi həm Ermənistana və havadarlarına
bir qədərə kobud addımlar atmaqda çətinliklər yaradır. Pakistanın dünyanın
aparıcı nüvə dövlətlərindən biri olaraq Azərbaycanın haqq işini dəstəkləməsi
sözsüz ki, bəzilərinin xoşuna gəlmir. Amma onlar bunu dillərinə də gətirməyə
ehtiyat edirlər. Sadə dillə desək, indiki qloballaşan və bir qədər də nizamını
itirən dünyada, Pakistan kimi bir dövlətin Azərbaycanı haqlı olaraq dəstəkləməsi
və yanında olması Rusiyanı, işğalçı Ermənistanı çox narahat edir. Hesab edirəm
ki, son illər ölkələrimiz arasında bir çox sahələrdə, xüsusən də hərbi sahədə əlaqələr
daha da genişlənib və bu daha da şaxələnir. Bundan biz maksimum bəhrələnməliyik.
Hərbi kadrların hazırlanması, hərbi-sənaye potensialımızın daha da genişləndirilməsi,
birgə müasir hərbi təyinatlı məhsulların istehsalı və daha nələr və nələr. Bir
sözlə, əgər Azərbaycan təkcə Türkiyə və Pakistanın Silahlı Qüvvələrinin geniş nəzəri
və praktiki təcrübəsindən və imkanlarından faydalı və səmərəli yararlansa, nəticəsi
özünü çox gözlətməli olmayacaq”x9d.
Seymur Əliyev
