Milli Şuranın beynəlxalq əlaqələr komissiyasının rəhbəri Gültəkin Hacıbəyli Cümhuriyyətimizin banisi Məmməd Əmin Rəsulzadəni aşağılayan gəncəli deputat Naqif Həmzəyev haqqında maraqlı araşdırma apararaq qeyri - adi nəticələr ortaya qoyub. Siyasətçi olmaqla yanaşı həm də ixtisasca dilçilik uzmanı olan Gültəkin xanım iddia edir ki, Naqif elə adına uyğun davranış sərgiləyib və onun Məmməd Əminin kimliyini bilməməsində qeyri - adi heç nə yoxdur:
“Naqif adı "naqafə" ərəb fel kökündən əmələ gəlib. İki mənasından ən əsası "yumurtadan təzə çıxan cücə" deməkdir. Məncə, Boran, Tufan kimi kifayət qədər normal adları qadağan olunmuş adlar siyahısına salan Toponimiya Komissiyası Naqif adı barədə ciddi düşünməli və qərar verməlidir. Onun adının digər mənası isə dağıtmaq, məhv etməkdir...
Bir daha təkrar edirəm, onun adının iki mənası var:
1. yumurtadan təzəcə çıxmaq
2. dağıtmaq, məhv etmək.
Haqif Həmzəyev parlamentə təyin olunan kimi adının hər iki mənasını doğrultdu.
